Sérstök nótt

Hef aldrei lifað svona nótt, er ekkert óvön að vinna og sviptast svolítið - en þetta var öðruvísi sviptivindur en ég hef áður lent í - en allt er gott sem endar vel...

Nýtt krefjandi starf bíður mín - ég hlakka til að takast á við það af auðmýkt og vinnusemi, með það í huga að ég á að hlusta og horfa og vinna í samræmi við það sem ég sé og heyri - en af ákveðni og einurð.

Ég er óendanlega þakklát því fólki sem hefur lagt nótt við dag til að vinna jafnaðarstefnunni brautargengi hér í kjördæminu, hér hefur verið unnin frábær teymisvinna frambjóðenda, kjördæmisráðs, kosningastjórnar, almennra flokksmanna og kjósenda - þið eruð frábær - takk fyrir mig.

Fjölskylda og vinir eru líka búin að styðja við mig eins og klettar - takk elskurnar

En nú ætla ég að njóta dagsins með börnunum mínum og öðrum sem vilja njóta hans með mér...

 

Athugasemdir

[Sigrún Jónsdóttir, 26.4.2009 kl. 10:47]

Hjartanlega til hamingju með nýja starfið  Það verður svo sannarlega erfitt og krefjandi og ég treysti þér fullkomlega í það

[Þórhildur Helga Þorleifsdóttir, 26.4.2009 kl. 11:23]

Frábært,- til hamingju,-

[Gísli Baldvinsson (IP-tala skráð) 26.4.2009 kl. 12:00]

Hamingjuóskir héðan...nú hefst starfið

[Erlendur Steinþórsson (IP-tala skráð) 26.4.2009 kl. 12:07]

Til hamingju með nýja starfið - öfunda þig reyndar ekki!

Kaus "þig" ekki heldur (ekkert persónulegt), en nú er vonandi vilji til þess á þingi að halda peningaeigendafulltrúunum frá kjötkötlunum.

Mér sýnist í fljótu bragði að nú sé meira af "venjulegu" fólki á þingi en áður sem er hið besta mál - lögfræðingastóðið hefur a.m.k. eitthvað minnkað.

Mundu bara á Alþingi að Samfylkingin fékk ekki svo miklu meira fylgi en 2007, að ESB eitt og sér geti orðið aðalmálið í samfélaginu í augnablikinu/næstu vikurnar...

Svo væri nú frábært ef þú beittir þér fyrir því að við fengjum nýjan þjóðsöng (við þurfum hvort eð er nýjan ef við göngum í ESB!).  Sá gamli er ortur á forníslensku og sjálfur Kristján Jóhannsson á í vandræðum með lagið.  Nú þarf hressan baráttusöng með einföldum texta fyrir börn og alla hina, við lag á allra færi. Við syngjum þann gamla í síðasta sinn ef Davíð deyr einhvern tímann...!

[Sigríður Sigurðardóttir, 26.4.2009 kl. 12:45]

Innilega til hamingju með þingsætið. Þú munt verða Austurlandi til sóma!

[Guðbjörg Anna , 26.4.2009 kl. 12:47]

Ég er svo ánægð með þig elsku mamma mín.... og ég hefði svo mikið verið til í að vera hjá þér þegar fréttirnar komu loks af nýjustu tölum.

Þú ert snillingur ;) 

Væri til í að eyða deginum í dag með þér mín kæra

[Þorbjörn (IP-tala skráð) 26.4.2009 kl. 15:39]

Sæl aftur Nína mín. Aftur innilega til hamingju með sætið þitt!

Ég var algerlega búinn að afskrifa það klukkan átta í morgun, gat ekki ímyndað mér að breytingar í NA myndu breyta jöfnunarmanni í NA, en svona fór þetta samt!

Ég verð svo að vera ósammála Erlendi varðandi þjóðsönginn. Kiddi Jó er nú ekkert svo góður tenór nebbla.

[Eyrún Huld Haraldsdóttir, 26.4.2009 kl. 16:19]

Ég gleymdi ekki að kjósa í þetta sinn Hjartanlega til hamingju með þingsætið Jónína,  þú ert verðugur fulltrúi Austurlands. Gangi þér vel!

[Ólína Kjerúlf Þorvarðardóttir, 26.4.2009 kl. 17:25]

Hjartanlegar hamingjuóskir með þingsætið kæra Jónína. Þú ert vel að því komin. Ég veit líka hvernig þér líður núna, því mér líður eins.

Hlakka til að hitta þig á þinginu.

[Jón Halldór Guðmundsson, 26.4.2009 kl. 18:38]

Hamingjuóskir úr "firðinum fagra".

[Magnús Geir Guðmundsson, 26.4.2009 kl. 21:31]

Heil og sæl frú Jónína rós og innilega til hamingju með árangurinn! Hann kom jú sannarlega nokkuð óvænt þarna í lokin, en ætli þú þá verðskuldir ekki núna að kallast "Konan sem kom inn úr kuldanum" fyrir vikið!?Þú verður örugglega góður bakhjarl fyrir strákana tvo á undan þér í kjördæminu, munt passa vel upp á ef þeir eru líklegir til að "Detta aftur fyrir sig" í einhverjum klaufagangi. (karlmönnum hættir stundum til slíks og þá komið þið blessaðar oftar en ekki til skjalana og komið okkur aftur á réttan kjöl)

Miðað við hvað ég heyrði um þig og las eitthvað sömuleiðis í prófkjörsbaráttunni, þá ertu dugmikil og fjölhæf í félagsmálum m.a. í sveitarfélaginu, ert því e.t.v. ekkert "venjuleg" eins og gefið er í skyn hér að ofan!?

En spennandi tímar já framundan fyrir ykkur kvinnurnar sem og aðra nýja þingmenn, en jafnframt erfiðir og því gott að hafa í huga hið fornkveðna, að "Vandi fylgir vegsemd hverri"

Gangi þér allt í hag!

[Guðrún Katrín Árnadóttir, 26.4.2009 kl. 22:20]

Til hamingju með þingsætið mín kæra.

Þakka þér fyrir innlitið á kosningavökuna hjá okkur. Ég fór heim um kl. 2 en þá var allt í fullu fjöri á skrifstofunni.  Ég sofnaði yfir sjónvarpinu heima hjá mér, þá varst þú dottin út. Ég bara ætlaði ekki að trúa mínum eigin eyru. Því síður ætlaði ég að trúa mínum eigin eyrum í morgun þegar Siggi vakti með því að segja mér að þú hefðir komist inn á síðustu stundu. Aftur til hamingja með trega að vísu þvi nú heyrir maður og sér þig sjaldnar í framtíðinni.

[Ragnar S Magnússon, 27.4.2009 kl. 11:18]

Blessuð og sæl

Innilega til hamingju með þessa frábæru  niðurstöðu

Óska þér alls hins besta

Ragnar S Magnússon

[Rannveig Árna (IP-tala skráð) 27.4.2009 kl. 18:40]

Enn einu sinni til hamingju Nína mín.

Varðandi þjóðsönginn - ég sé nú enga ástæðu til að skipta um þjóðsöng. Við búum við stórbrotna náttúru og náttúrufar og það er vel við hæfi að hafa þjóðsönginn þannig líka.