Stórhátíðisdagur

6. febrúar er mikill hátíðisdagur á mínum bæ..., ég á tvö börn fædd þennan dag.  Dagurinn í dag er sérstaklega hátíðlegur því hann Guðmundur Þorsteinn er tvítugur í dag og Berglind Rós varð táningur. Ég verð að fara að horfast í augu við aldur minn, tvö börn á þrítugsaldri og litla barnið orðið táningur...

Ég man aldrei áður eftir því að þessi hátíðisdagur hafi rekist á hátíðisdag allra landsmanna, öskudaginn...., að mörgu leyti afar skemmtilegur dagur, syngjandi börn í litskrúðugum búningum svífandi um allan bæ í léttri sykurvímu... Mér finnst þessi dagur samt hafa ákveðnar skuggahliðar.  Það eru alltaf einhver sorgbitin börn sem upplifa einsemd þennan dag því þau hafa ekki félaga til að fara með í bæinn...., ég hef ekki lausn á málinu en held að foreldrar og skólayfirvöld þurfi að vera meðvitaðri um málið og grípa inn í, svo gleði megi ríkja í öllum hjörtum.

Við ætlum að gera okkur glaðan dag á eftir og fá okkur að borða á Nielsen..., síðan verður margra vikna gleðskapur, fyrir stelpur, fyrir stráka, fyrir unga, fyrir aldna.... og einhverjar blöndur verða líka...

Athugasemdir

[Gísli Baldvinsson (IP-tala skráð) 6.2.2008 kl. 20:20]

Svo er þetta dagur leikskólans! http://fl.ki.is/pages/261/NewsID/672

[Sigþrúður Harðardóttir, 6.2.2008 kl. 21:45]

Til hamingju með börnin bæði!  Þeir eru yndislegir þessir vatnsberar!

[Guðbjörg Anna , 7.2.2008 kl. 11:44]

Þetta hefur einmitt held ég aldrei verið svona hátíðlegt fyrir þau systkini mín að eiga afmæli. Öskudagur og dagur leikskólans =) Það hafa þó stundum verið Þorrablót er það ekki???

Allavega þegar Guðmundur fæddist =)

Læt síðan eina öskudagsmynd fylgja með =)

[Rannveig Árna (IP-tala skráð) 7.2.2008 kl. 12:18]

Hamingjuóskir til ykkar allra Nína mín. Sjáumst kátar á Vallablóti annað kvöld