Afsögn - gott eða slæmt?

Björgvin Sigurðsson hefur sagt af sér sem viðskiptaráðherra, segist þannig axla sína ábyrgð.  Ég virði ákvörðun hans - í hans sporum hefði ég gert slíkt hið sama - en talsvert fyrr. 

Björgvin er drengur góður, duglegur og skynsamur og hann hefur örugglega fram að þessu axlað ábyrgðina með því að leggja alla sína starfsorku í það að vinna heilshugar að orsakaleit og uppbyggingu. Það er meira en að segja það að lenda í svona hamförum á fyrstu árum í ráðherrastóli, fáir ráða 100 % við slíkt, þó reynsluboltar séu.

Vonandi fær Björgvin annað tækifæri til að setjast í ríkisstjórn og vinna þjóðinni það gagn sem ég er sannfærð um að hann vill og getur.

Athugasemdir

[Jón Halldór Guðmundsson, 25.1.2009 kl. 15:28]

Ég er á því að hann hafi gert rétt. Það stóð til að hrókera ráðherrum og hefur lengi verið rætt um slíkt. Fyrst átti það að gerast um áramót og svo í kringum lkandsfund Sjálfstæðisflokks.

Björgvin gerir það sem í hans valdi stendur til að endurreisa traust á ríkisstjórninni og fjármálaeftirlitinu.

Mitt mat er að hann sé trúverðugari sem stjórnmálamaður og ég lít áfram á hann sem einn að leiðtogum Samfylkingarinnar.

Við þetta beinast allra augu að lufsugangi hins stjórnflokksins sem annað hvort gerir litlar siðferðiskröfur til sinna fulltrúa eða kemur sér bara ekki í þau verk af döngunarleysi.