Nýir straumar í Bandaríkjunum - hvenær berast þeir hingað?

Nýr forseti í Bandaríkjunum virðist hafa alla burði til að vera maður fólksins og fulltrúi minnihlutahópa.  Hann virðist hlýr og mannlegur, skynsamur og skiljanlegur, vonandi reynist hann þannig í raun...

Ástandið í þjóðfélaginu er þannig að traust og trúnaður er ekki það sem manni dettur fyrst í hug - nýjustu fréttir um uppgjöf skulda vegna hlutabréfakaupa rúðu yfirmenn bankanna endanlega öllu trausti í mínum huga.  Hversu lengi ætlar þessi vitleysa að halda áfram?

Þegar skapstilltasta fólk er farið að úttala sig um þörf sína fyrir að kasta tómötum og fúleggjum er langt gengið, en ég skil þá þörf ágætlega, spillingin virðist vera útbreiddari en nokkurn óraði fyrir.

Bogi Nilsson var maður að meiru að segja sig frá vekefni sem krafðist hlutleysis þegar fjölskyldutengsl gátu gefið tilefni til tortryggni... sennilega er best að fá útlenda aðila til að greina stöðu og orsakir ástandsins. Á litla Íslandi eru tengsl allsstaðar...

En nú sem aldrei fyrr - ræktum okkur og fólkið í kringum okkur...

Athugasemdir

[Rannveig Árnadóttir (IP-tala skráð) 5.11.2008 kl. 15:10]

Ertu ekki bara með í eggjakastsferð til Reykjavíkur  ? Það eru tilboð á flugi núna hjá Flugfélagi Íslands

[Edda (IP-tala skráð) 5.11.2008 kl. 22:46]

Ég er svo sammála þér.  Vona bara að það sjóði ekki upp úr þannig að slys verði á fólki, en ég get vel skilið reiði fólks. 

[Guðbjörg Anna , 6.11.2008 kl. 10:04]

Mamma ef þú ferð að kasta eggjum VERÐ ég að verða vitni að því.. vá hvað mig langar að sjá það.. þar sem ég hef bara 2x á minni bráðum 24 ára langri ævi séð þig missa stjórn á skapi þínu, þá er ég að tala um að missa alveg stjórnina ;).. þá þætti mér gaman að sjá þig í slíkum ham 

En spurning með Boga og hvort hann hafi verið maður með meiru.. sé ekkert nema sjálfsagt við það að hann segi sig frá verkefninu.. þarna eru fjölskyldutengsl og því getur hann ekki verið hlutlaus... Finnst ekkert merkilegt við það sem hann gerði. bara sjálfsagður hlutur...

Hafið þið það gott þarna í sveitinni ;) Hlakka til að sjá ykkur öll næst... er m.a.s. farin að hlakka pínulítið til að koma "heim" næst...