Tæpar 10 vikur til kosninga

Tíminn flýgur áfram, mér skilst að þannig sé tilfinningin þegar aldurinn færist yfir...Nú nálgast sá spennandi tímapunktur þegar Íslendingar geta í lýðræðislegum kosningum losað sig við ríkisstjórn sem í 12 ár hefur alið á ójöfnuði og unnið að því leynt og ljóst að hygla auðmönnum og auka þannig stórkostlega bilið milli ríkra og fátækra.  Í 12. maí leynast stórkostleg tækifæri til að koma jafnaðarstjórn á með konu í forsæti - ég treysti okkar skynsömu þjóð til að grípa tækifærið. Það er spennandi að fá að vinna að því að þetta tækifæri verði að veruleika.

Í bæjarmálunum þurfum við að vinna að ýmsum málum, skotveiðsvæði þarf að verða til í sveitafélaginu, en erfitt er að finna rétta staðinn, skothvellir og högl eru ekki beinlínis efst á vinsældarlistanum hjá landeigendum og fjáreigendum.  Miðbæjarmálin, skólamálin og margt fleira spennandi er í gangi.

Heima er stærðfræðin hennar Berglindar Rósar enn eitt af stóru málunum, en í morgun sagði hún að almenn brot væru skemmtileg svo sigrar vinnast á öllum vígstöðum....

 

Athugasemdir

[Sigþrúður Harðardóttir, 6.3.2007 kl. 21:55]

Já, ég ætla rétt að vona að vinstri flokkunum auðnist að hrekja ríkisstjórnina frá völdum. Ég meina...sér fólk ekki að það er nóg komið fyrir löngu. Og mér er fyrirmunað að skilja hvernig stjórnarliðar geta barið sér á brjóst og hreykt sér af góðri efnahagsstjórn Arrrrrggggg

Annars allt gott héðan af þessu heimili....enda ábyrg efnahagsstjórn hér

[Jónína Rós Guðmundsdóttir, 7.3.2007 kl. 09:29]

Góð Sissa, við hljótum að koma þessari hörmung frá í vor...

Allt gott hjá okkur líka, enda jafnaðarmaður við stjórnvölinnn...