Jafnrétti og jöfnuður

Undanfarna daga eins og svo oft áður eru jafnréttismálin ofarlega í kollinum. Ræddi þau við ágætan karl í gærkvöldi. Hann taldi karla þurfa að fara að hugsa sinn gang því konur væru að yfirtaka flest svið þjóðlífsisns. Þegar lengi hefur verið ójafnvægi lítur hreyfing í átt að jafnvægi sennilega út sem yfirtaka. Þessar viðræður juku mér bjartsýni - baráttan fyrir jafnvægi og jafnrétti milli kynjanna er að skila árangri - áfram stelpur.

Á morgun munu konur í Samfylkingunni halda baráttufund í Reykjavík í tengslum við aðalfund Kvennahreyfingarinnar. Ég ætla ekki að vera þar því ég ætla að vera í verki sem karlar hafa oftar sinnt en konur, ég ætla að vera þulur á Ístölti 2007 á Eiðavatni.

Spennandi tímar eru framundan, jafnaðarstefnan á góða möguleika á að breyta því ójafnvægi sem verið hefur í íslensku samfélagi allt of lengi. Bilið milli ríkra og fátækra hefur aukist og kraftur auðsins er nánast ótakmarkaður. Nú yfirtökum við íslenskt samfélag og breytum þessu. Íhalds- og peningaöflin eru farin að hugsa sinn gang því þau eru skíthrædd við yfirtökumöguleika okkar. Hræddust eru þessi öfl við okkar flotta formann og láta því ekkert tækifæri ónotað til að rægja hana og ófrægja. Látum það ekki hafa áhrif á okkur - við jafnaðarfólk stöndum saman að því að auka jöfnuð, jafnrétti og jafnvægi á öllum sviðum samfélagsins.

Athugasemdir

[Sigþrúður Harðardóttir, 23.2.2007 kl. 23:10]

Sæl Nína mín.

Mun fylgjast vel með þér hérna...var orðin leið á próftímabilinu fyrir jólin á hinu blogginu

Bestu kveðjur.

Sissa

[Rannveig (IP-tala skráð) 24.2.2007 kl. 16:15]

Til hamingju með nýju síðuna þína Nína mín. Ósköp ertu vinafá í bloggheimum - við getum verið bloggvinir þínir ef þú vilt og svo vill hann Konni stuðningsmaður þinn nr. 1 örugglega líka vera bloggvinur þinn.

<a href="http://tinytota.blogspot.com>Tóta</a>

<a href="http://latagreta.blogspot.com>Lata-Gréta</a>

<a href="http://konnikynlegi.blogspot.com>Konni</a> , en hann veit ekki ennþá að við erum að koma honum hér á framfæri.

Góðar stundir, Tóta og Rannveig.