Jasshátíðin á Egilsstöðum

Verð að viðurkenna að ég er farin að hlakka verulega til tónleikanna í fjallinu á morgun og svo stóðst ég ekki þá freistingu að kaupa mér miða á Larry Carlton á fimmtudagskvöldið.  Jasshátíðirnar fram að þessu hafa verið glæsilegar en ætli þessi toppi ekki allt..., svoleiðis á það líka að vera - alltaf aðeins betra en síðast...

Fór í morgun og undirbjó bæjarráðsfund morgundagsins, gott að vera búin að því tímanlega ekki síst ef leita þarf frekari upplýsinga um einhver mál, líka gott að hafa góðan tíma til að melta og hugsa um dagskrárliðina.

Er bara heima að taka svolítið til hjá mér, það er ósköp notalegt að hafa tíma til þess sæmilega stresslaust, það er ágætt að hugsa um leið og maður skúrar og ryksugar...

Speki dagsins á dagatalinu hennar Rannveigar er:

Hvatningarorð hressir sálina eins og svaladrykkur í steikjandi sólarhita.

Það er svo auðvelt að hressa sálir með brosi og hvatningarorðum - eigum að vera duglegri við það en við erum.

Ég hitti ókunna konu við kassann í Kaupfélaginu um daginn, hún sendi mér geislandi bros og hrósaði kjólnum mínum, hún gaf mér jákvæða orku inn í daginn, vona að ég gefi stundum frá mér svona jákvæða strauma.

En nú ætla ég að halda áfram að þrífa...

Athugasemdir

[Edda (IP-tala skráð) 26.6.2008 kl. 10:10]

Sæl Jónína mín.  Takk fyrir síðast. Gaman að sjá að þú ert í blogg hópnum :o)  Sjáumst hressar.