Jónína Rós Guðmundsdóttir

29.3.2008 | 10:15

Veggöng til Seyðisfjarðar

Átti skemmtilegan dag á Seyðisfirði í gær. Verið var að halda upp á 25 ára afmæli Þróunarfélags Austurlands - en það var stofnað á Seyðisfirði 20. maí 1983.

Ég tók að mér að vera ráðherrabílstjóri, náði í Össur Skarphéðinsson og aðstoðarmann hans Einar Karl á flugvöllinn um tvöleytið og við "brunuðum" sem leið liggur á Seyðisfjörð - yfir Fjarðarheiði - og það er skemst frá því að segja að hún var í ham - ekki þeim versta sem maður hefur séð - en veðraham eigi að síður - ferð okkar gekk vel enda búið að leigja undir okkar jeppa. Mikið verður nú frábært þegar búið verður að leggja veginn í göng - þá má segja að það verði búið að færa samgöngur til Seyðisfjarðar til eðlilegs nútímahorfs.

Á Seyðisfirði voru svo stöðug hátíðahöld - skemmtilegar ræður - fín tónlist - og frábær matur - allavega til hálfellefu þegar bílstjórinn ók með sína farþega aftur yfir heiði í ham og varð enn ákveðnari í hversu hart þarf að berjast fyrir göngunum....

Össur stóð sig frábærlega - var skemmtilegur og málefnalegur og tók erindum sem borin voru fyrir hann af skilningi og áhuga.

Endaði svo daginn á því að kíkja aðeins við í kennarapartý - samkennarar mínir eru skemmtilegir og litríkir persónuleikar svo ég sofnaði um eittleytið með bros á vör eftir frábæran dag Grin

Flokkur: Bloggar | Facebook

Athugasemdir

Ég var nú einmitt að hugsa um það á leið minni norður í land í gær, þar sem við ókum í leiðinda skafrenningi, að það væri fallega gert af Fjarðarheiðinni að sýna sitt rétta andlit þar sem ég vissi af þér á ferð með ráðherrann.

Hvenær verður svo farið að borga í gegnum fjöllin okkar?

Rannveig Árna (IP-tala skráð) 29.3.2008 kl. 18:13

Smá ritvilla - á auðvitað að vera BORA en ekki BORGA