Skilnaður við hvern???

Mikið hlakka ég til að lesa þessa skýrslu.  Sennilega er ekki margt sem kemur manni á óvart í henni - en staðfesting á grun er alltaf góð.

Mér finnst alveg með ólíkindum hversu lítið mál það er að skilja á Íslandi og hversu lítil umræða fer fram í skilnaðarferlinu um ábyrgðina gagnvart börnunum sem hafa verið hluti af fjölskyldu þeirra tveggja aðila sem hafa ákveðið að þeir treysti sér ekki til að búa saman lengur.  Það er mikill ábyrgðarhluti að brjóta upp fjölskyldu - það er mikið mál fyrir börnin að búa ekki lengur hjá báðum foreldrum sínum - og fullorðna fólkið í þessu ferli verður að vera fullorðið.... Í skilnaðarferli hittir maður prest og lögfræðing - ég man ekki eftir að börnin hafi verið nefnd nema  við vorum spurð hvort við hefðum komist að samkomulagi um hvernig þetta yrði með börnin - því var svarað játandi og þar með var þetta smámál - þrír krakkar - útrætt mál.

Þarf að fara að kenna - gæti skrifað um þetta mál til kvölds - kem að því aftur síðar...

Skilja við ömmu og afa auk pabba

Athugasemdir

[Ragnar (IP-tala skráð) 27.3.2008 kl. 15:50]

Gott dæmi um vanhæfni og ábyrgðarleysi íslenskra stjórnmálamanna í þessum málum.
Sjá eftirfarandi:
http://www.althingi.is/raeda/135/rad20080115T143920.html
http://www.althingi.is/raeda/135/rad20080115T143505.html
Á meðan fólk með svona brenglað viðhorf hefur aðgang að valdastofnunum þjóðfélagsins
er engin von um framfarir varðandi rétt barnanna til foreldra sinna.