Fundavikan mikla

Allir virðast vera að rísa upp af sumardvala og vilja funda.  Mér finnst reyndar ágætt að vera á fundum ef þeir eru bara markvissir og skila einhverju, tveir tímar í kjaftæði er hræðileg tímasóun og leiðindi.  Áðan var ég á fundi sem tók bara rúman klukkutíma en skilaði árangri, þá kemur maður glaður heim..., það er einn fundur á morgun og annar á fimmtudaginn, vonandi verða þeir líka gleðilega markvissir og árangursríkir.

Ég er að verða eins og nemendur mínir sem þola alls ekki kjaftæði.  Það sem virkar best eru einföld fyrirmæli, stuttar útskýringar og tími til að vinna síðan sjálf.  Sennilega er ég í alvöru ung í anda og kannksi með snert af athyglisbresti...

Nú þyrfti ég endilega að fara að drífa mig í hreyfingu á morgnana aftur, stilli klukkuna á 6 og tékka á stöðunni þá...

Athugasemdir

[Rannveig (IP-tala skráð) 2.9.2007 kl. 11:00]

Er það í fyrramálið sem klukkan verður stilt á 6  jæja, ég hlýt að hafa það af. Á ég að renna við í Kelduskógunum?

[Jónína Rós Guðmundsdóttir, 2.9.2007 kl. 16:06]

Já Rannveig mín nú verður frestunaráráttunni sagt stríð á hendur, komdu við hjá mér, við þurfum að vera tímanlega til að fá hjól....