Góð staða við erfiðar aðstæður

Ég verð að viðurkenna að þetta er betri staða en ég hafði gert ráð fyrir - ríkisstjórn sem hefur staðið í stórhreingerningum svo vikum skiptir með tilheyrandi sársaukafullum niðurskurði og skattahækkunum - er fátt að gera til að afla sér vinsælda. 

En þjóðin er raunsæ og veit að verið er að vinna nauðsynleg verk miðað við aðstæður.

Það væri óneitanlega fróðlegt að sjá frestarana miklu stjórna landinu núna, með neikvæðar raddir framsóknar og borgara í bakraddakór - með frestunum á erfiðum ákvörðunum yrðum við örugglega vel sett - eða hvað????

Ríkisstjórnin með 43% stuðning

Athugasemdir

[Guðrún Katrín Árnadóttir, 31.7.2009 kl. 12:33]

Nákvæmlega. Það er örugglega ekki eftirsóknarvert að vera í því hlutverki að vera að reyna að koma Íslenskri þjóð á fætur, eftir sukk þeirra sem hæst hrópa núna, mistök,mistök. Kannski væri réttast að þeir kæmu okkur á réttan kjöl að nýju, svei mér þá.

[Gísli Baldvinsson (IP-tala skráð) 3.8.2009 kl. 12:55]

Örlagarík vika framundan. Góðar óskir héðan.

[Guðrún Helgadóttir, 3.8.2009 kl. 15:06]

Tökum á því í tiltektinni og hendum út frjálshyggjubyttunum sem eru enn að delera í stofunni! Það verður að setja allt í botn í að upplýsa um fjárglæfrana sem voru í gangi, spillinguna og lögbrotin verður að upplýsa - þetta lið sem hangir á bremsunni í þingsölum er margflækt í hagsmunatengslum pólitíkur og viðskipta, það má ekki koma nálægt stjórnartaumunum því það mun gera sitt besta til að hylma yfir allt saman.