Treystum á lífeyrissjóðina

Það er ljóst að atvinnulífið og opinberir aðilar í þessu landi treysta mjög á lífeyrissjóðina og þeirra möguleika til lánveitinga næstu mánuðina. 

Það er fólkið í landinu sem á eignir lífeyrissjóðina og það þarf á því að halda að atvinnulífið verði ekki sett á "hold" með tilheyrandi atvinnuleysi og leiðindafylgikvillum.

Auðvitað má ekki "gambla" með þessar eignir en aðilar eins og sveitafélög eru ekki "gamblarar" en þau þurfa á fjármagninu að halda til að geta haldið úti framkvæmdum við byggingar, gatnagerð og viðhaldsverkefni - og svo virðist sem þeir sem eiga peninga séu lífeyrissjóðirnir - svo þeir eru í lykilstöðu við að koma í veg fyrir fjöldaatvinnuleysi. Með eðlilegu atvinnustigi koma peningar í kassa opinbera aðila - sem geta þá greitt lán sín og haldið hringrásinni gangandi.

Lífeyrisréttindi óbreytt

Athugasemdir

[Jón Halldór Guðmundsson, 23.2.2009 kl. 10:07]

Sæl.

Ég hef litla þekkingu á lífeyrissjóðum, en þegar rætt hefur verið um að fá lán hjá lífeyrissjóðum til að mæta útflæði við innlausn jöklabréfanna, hefur komið fram að þó að lífeyissjóðirnir eigi einhver hundruð milljarða, þá séu þeir bundnir í verðbréfum erlendis, og ekki sé hagkvæmt að selja það núna. Það er nefnilega lágt verð á þeim akkúrat núna.

Það sem við þurfum að gera númer eitt tvö og þrjú, er að ávinna íslensku krónunni traust á nýjan leik. Ef fjármunir lífeyrissjóðanna væru fluttir heim, gæti það verið stór liður í því máli.

Þegar hins vegar þetta hefur verið nefnt, hafa þeir sagt að þeir vilji hafa peningana i útlöndum, því þeir séu að hugsa um hag sjóðfélaganna.