Konur í tiltekt...

Ætli það sé tilviljun að þeir tveir bankastjórar sem ráðnir hafa verið síðustu daga eru konur?

Mér finnst það ekki skipta máli af hvoru kyninu góður starfsmaður er en ég verð að viðurkenna að mér finnst það góð tilfinning að vita af vel menntuðum og örugglega mjög hæfum konum við stjórnvölinn við þessar aðstæður.

Nú þarf yfirsýn og hugarró, skipulag og hlý orð með fagmennskunni og dugnaðinum.  Ég treysti konum afar vel til slíkra starfshátta.

Heima hjá mér er allavega oft leitað til mömmu þegar mikið liggur við ...

Gallsteinakonan er á heimleið - finnur mest til í öxlinni!!! Hún var víst fyllt af lofti og verkir í öxl algengur eftirkvilli eftir slíka loftfylli...

Og nú er ég búin að gera uppkastið að verkefninu sem ég á að skila á sunnudag - ætla heim að taka til áður en næsta atlaga verður gerð að verkinu.

 

Birna verður væntanlega bankastjóri Glitnis

Athugasemdir

[Ívar (IP-tala skráð) 10.10.2008 kl. 14:59]

Ég vona að kyn hafi ekki ráðið því hver tók við bönkunum.  Ég vona að það hafi verið hæfasta manneskjan sem var til taks á þeim tima. 

Það skiptir ekki máli hvora áttina það er.  Ef fólk er ráðið á grundvelli kyns er ekki jafnrétti - punktur...

Vonum bara það besta - haldið ykkur fast!  Ferðinnni er ekki lokið.

[Rannveig Árna (IP-tala skráð) 10.10.2008 kl. 18:30]

Ég vona að Guðbjörg Anna jafni sig fljótt og vel.

Ég er sammála því að kyn á ekki að skipta máli við stöðuveitingar en ég verð nú samt að segja að þessir karlar sem hafa verið við stjórn Seðlabankans hafa ekki staðið sig sem skyldi, hvort sem það er út af kynferði eða einhverju öðru.