Beðið frétta frá höfuðborginni

Verð að viðurkenna að ég er búin að kíkja oft á netið í dag til að athuga hvernig gengur með myndun nýs meirihluta þarna í borginni okkar allra fyrir sunnan.

Eitthvað er fæðingin að ganga seint fyrir sig - einhver vandamál... enda neitar Óskar Bergsson að hann sé viðriðinn málið - hann ætlar ekki að gangast við króganum... eða hvað????

Er þessi skrípaleikur við Tjörnina ekki að ná hámarki sínu??? - þvílík skrumskæling á lýðræðinu og valdi íbúa til að velja sína fulltrúa...

Meirihlutasamstarf er vandmeðfarið og viðkvæmt en það er skylda þeirra sem með slíkt vald fara að leggja sig fram við að láta samstarfið ganga enda verið að vinna í umboði fólksins á staðnum - verð þó að viðurkenna að ég er afar ánægð með að hafa ekki þurft að vinna með Ólafi F.....

Athugasemdir

[Guðrún Helgadóttir, 14.8.2008 kl. 18:13]

Það var náttúrlega bara ömurlegt að Vilhjálmur og Kjartan - sem nú lætur lítið fyrir sér fara skyldu ana útí þessa ófæru með Ólafi. Þetta varð óstarfhæfur meirihluti og ekki séð fyrir endann á þessu rugli.

[Fjóla Æ., 15.8.2008 kl. 18:53]

Tel það mikið gæfuspor að slíta samstarfi við "hér er ég, um mig, frá mér, til mín. Það hefur gjarnan gefist illa til langframa að hafa þess konar fólk í samstarfi. Hef reyndar meiri trú á meirihluta þeim sem nú hefur verið myndaður en þeim sem var gerður  í upphafi kjörtímabilsins.

[Jón Halldór Guðmundsson, 15.8.2008 kl. 23:58]

Íhaldið fékk "Óskarinn" fyrir stórleik sinn.

Ég held bara að hann Villi beri höfuð og herðar yfir félaga sína. 

[Jónína Rós Guðmundsdóttir, 16.8.2008 kl. 10:37]

Ef meirihluti er algerlega óstarfhæfur t.d. vegna einleiksstíls eins eða fleiri ber að taka ákvörðun um að slíta samstarfi - en síendurtekin slit eru skrípaleikur og valdaplott og hagsmunir borgarinnar og borgarbúa auðsjáanlega ekki það sem málið snýst um.