Jón Bergsson látinn

Jón Bergsson, bóndi á Ketilsstöðum á Völlum, lést á Sjúkrahúsinu á Egilsstöðum aðfararnótt miðvikudagsins 23. júlí.

Börnin mín hafa því misst eina afann sem þau hafa þekkt.

Við vitum að það var gott fyrir hann að fá hvíld frá erfiðum veikindum en í eigingirni okkar söknum við hans.

Jón var litríkur persónuleiki sem lék eitt af aðalhlutverkunum í lífi barnanna minna, þau voru svo heppin að eiga afa og ömmu í sveitinni sem sinntu þeim mikið og gáfu þeim tíma sinn og athygli.  Til dæmis voru afasögur nauðsynlegar þegar þau lögðu sig með honum eftir matinn. Reiðtúrar með afa voru annar ríkur þáttur í lífi þeirra. Svo tók hann auðvitað þátt í að ala þau aðeins upp þegar hann taldi þörf á því...

Við erum þakklát fyrir ljúfar og hlýjar minningar og vitum að minning hans mun lifa.

Starfsfólkið á Sjúkrahúsinu á Egilsstöðum er búið að vera yndislegt allan þann tíma sem Jón hefur verið þar, en alveg sérstaklega þessar síðustu vikur, sem hann var veikastur - notalegheitin hafa verið einstök - þarna vinnur hver gullmolinn öðrum betri.... þau eiga óskerta virðingu mína og þakklæti fyrir óeigingjarnt starf og yndislegt viðmót.

Athugasemdir

[Drífa Kristjánsdóttir, 25.7.2008 kl. 09:06]

Votta aðstendum mína dýpstu samúð vegna láts Jóns Bergssonar.  Það var alltaf jafn ánægjulegt að hitta hann á Landsmótum hestamanna og öðrum stórmótum.  Var alltaf mjög vingjarnlegur og hlýr við okkur Torfastaðahjónin. Blessuð sé minning mikils manns.

[Rannveig Árnadóttir (IP-tala skráð) 25.7.2008 kl. 09:39]

Söknuður er ekki merki um eigingirni, hann er fylgifiskur væntumþykju.

Guð veri með ykkur Nína mín og styðji ykkur á sorgarstundu.

[Dagný Davíðsdóttir (IP-tala skráð) 25.7.2008 kl. 10:02]

Elsku Jónína samhryggist þér og þínum innilega. Kíki stundum hérna inn og fæ svona "smakk" af því sem að er að gerast þarna fyrir austan en kvitta voða sjaldan en nú get ég ekki orða bundist og minnist skemmtilegs manns sem að ég veit að þér þótti vænt um. Bið algóðan Guð að varðveita ykkur í í ykkar miklu sorg.

Kv. Dagný

[Þorbjörg (IP-tala skráð) 25.7.2008 kl. 10:04]

Sendi þér og börnunum innilegar samúðarkveðjur. 

[Ólafía Stefánsdóttir (IP-tala skráð) 25.7.2008 kl. 10:19]

Kæra Jónína Rós.

Sendi þér og þínum mínar innilegustu samúðarkveðjur.

kv. Ólafía

[Sigþrúður Harðardóttir, 25.7.2008 kl. 10:26]

Innilegar samúðarkveðjur til ykkar allra. Guð blessi minningu höfðingjans á Ketilsstöðum.

Kær kveðja frá okkur öllum.

[Fjóla Æ., 25.7.2008 kl. 14:30]

Sendi ykkur mínar dýpstu samúðarkveðjur vegna andláts Jóns frænda.  Hugur minn dvelur hjá ykkur.